ඇමතිලගෙ නැටුම් කස්තිරම්

පහුගිය ටික දොහේ බ්ලොග් එකට ගොඩ වෙන්න බැරිඋනා නොවැ. කොහේද අපේ ගෙදර උන්දැගෙන් බැහැ නොවැ. මේ වල පයයි ගොඩ පයයි තියාගෙන පිනක් දහමක් කරගෙන ඉන්නෙ නැතුව ඕන නැති කථා කියල මැරෙන්න හදනව කියල දොස් මුරේ. මොනව උනත් කුස්සියෙ අධිපත් උන්දැගෙ නිසා ඒව නාහත් බැහැ නොවැ.

ඊටත්අපේ මුනපුරා පන්ඩිත කථාවගයක් ලියල තිබ්බ නිසා ඔංමටත් හිතුන ආයි මේ පැත්තෙ ගොඩ වෙන්න. අනික මේ රටේ වෙන දේවල්වල හැටියට කට පුක වහගෙන ඉන්න පුලුවනෑ.

මේ දවස්වල අපේ ගෙදර උන්දැ ඉන්නෙ හරි ජොලියෙ නෙව. උන්දැ කියනව හෙට අනිද්ද වෙනකොට ජොන්ස්ටන් උන්නැහේ එලවලු මුදලාලාලාටයි බිත්තර මුදලාලටයි බැටේ දීල බඩු මිළ අඩුකරල දෙයිලු. රාජිත උන්නැහේ මාළු ජාවාරම නැතිකොර දායිලු. මෛත්‍රී උන්නැහේ වැඩදාල සෞඛ්‍යය සේවෙ හදල ගනියිලු. වෙල්ගම උන්නැහේ දගලන හැටියට අහසින්ම
උනත්ප්‍රවාහනය කොරන්න පුලුවන් වෙයිලු. ආ එතකොට මේ බන්දුල උන්නැහේ අධ්‍යාපනේ ටක්කෙටම හදල ගනියිලු. අනේ අම්මප මේ මෝඩ ගෑනු හිතන් ඉන්න හැටි.

හැබැයි ඒ උන්දැලටම දොස් කියල වැඩක් නැහැ තමයි. මේ ඇමටි උන්නැහෙල පෙන්නන නැටුම් කස්තිරම් දකිනකොට මේ ඉහ නිකට පැහිච්ච ‍අප්පුහාමිටත් විචිකිඡ්චාවක් ඇතිවෙනව රටට ජනතාවට මේච්චර සේවයක් කරන්න දගලන උන්නැහේලට අනිවාර්ථේද මේ ඔච්චම් කරන්නෙ කියල.

ඉස්සරඅපේ ගම්මැද්දෙ පොලෝසියට ලොක්කෙක් අලුතෙන් පත්වෙලා ආවන්නැහේ හරියට ඕං ඔය ඇමති උන්නැහේල වගේ තමා. පාරෙ බොක්කු උඩ රස්තියාදු ගහන කොල්ලො කුරැට්ටොන්ට ගහල පන්නනව. ගමේ හොර අරක්කු විකුනන උන්, කසිප්පු විකුනන උන්, හොර හරක් මුදලාලිල, හොරා ගස් කපන උන්,බූරැපිටි කාරයොබුරැතු පිට්න් ඇන්න ගොහින් කූඩු කොරනව. ගමේ උන්දැල හිතන්නෙ හරි හොඳ පොලෝසියෙ මහත්තැන්කෙනෙක් කියල. කට්ටියම සැරෙන්ඩර් කොර ගත්තට පස්සෙ මේ ජාවරං කාරය්න්ගෙන් ලොකු මහත්තැන්ට ගතමනාව එන්න පටන් ගන්නව. ආයිත් පුරැදු විදියට අරක්කු කසිප්පු ජාවරනුයි , හොර හරක්,ගස් කැපීම්, බූරැපිටි ඉස්සරටත් වඩා හොඳින් කෙරීගෙන යනව.

ඕං මේව සහසුද්දෙන්ම දන්න නිසයි කියන්නෙ. ඔය දැන් මාලු අල්ලන උන්නැහේ මීට ඉස්සර උන්නෙ ඔව්ව මේව්වඉදිකොරන තැනක නොවැ. ඡන්දෙ අල්ල පනල්ලෙ මේ උන්නැහේගෙ නිලදරැවෙක් මොකක්ද ප්‍රචාරක පත්තරයක් ගහන්න ඕනෙයි.කියලඉදිකොරන සමාගම් වලින් 25000 ගානෙ එකතු කොර ගත්ත.එතකොට රටේ ඉදිකොරන සමාගම් දාහකටත් වඩා තියෙන නිසා කොහොම ගානක් එකතු කරගන්න ඇද්ද කියල බැලුවනන් ඕං.
ඒ විතරක්නං මදැ. ඔය ඉදිකොරන සංස්ථාවෙන් සමාගමකට දුන්නු වැඩකට වැඩිපුර බිල් කොරල ලක්ස 10 ගෙවල පනිවුඩයක් එව්ව ඒක හවසට ගෙදරට එවන්න කියල. ඔං මේ බොහෝම වැදගත් විධියට හැසිරෙන කාලයක් වමටත් ස්ම්බන්ද වෙලා උන්නු මේ අප්පුහාමි දන්න එක පොඩි සිද්ධියක්. තව අපි නොදන්න මේවගේ දේවල් කොහොම වෙනව ඇද්ද? ඕං.

මං මේ කථාව කිව්වෙ මේ ඇමටිල කියන උන්නැහේලගේ කොරැවාව පෙන්නන්න. ඉතිං චන්දෙට මෙහෙම කොරපු උන් දැන් බුදු වෙලා රටට ජනතාවට කොරන්න හදනව කියල හිතන්න නන් එපා ඕං. හෙට අනිද්දට ඔය ජාවරකාරයින්ගෙන් ගතමනාව හෙට්ටු පාරට්ටු කොර ගත්තට පස්සෙන් පහු ඇමතිල යහතින්සෙමෙන් වැජඹේවි. මුදලාලිල හොඳට තරවේවි. ජනතාවට පටිතදකොරගන්න වේවි ඕං.

මහින්ද නම් වූ ජේ. ආර් ගේ සුජාත පුත්‍රයා

ලොකු අප්පුහාමිගේ මුනපුරා විසින් ලියන ලදී.

ලංකාවේ ආන්ඩුක්‍රම ව්‍යවස්ථාවේ 18 වන සංශෝධනය මේවනවිට සම්මතකරගෙන අවසන්ය. 78 ජේ.ආර්. ඇටවූ ව්‍යවස්ථා අටපට්ටමේ ජනතා පරමාධිපත්‍ය ප්‍රකාශ කිරීමට තිබුනු අවම ඉඩප්‍රස්ථාව වන දෙවාරයේ සීමාව අහෝසි කිරීමත් , රාජ්‍යය සහ විධායකය අතර නාමමාත්‍රික වශයෙන් හෝ සංරචකයක් ගොඩනැංවීමට ගත් අංගවිකල උත්සාහක් වූ 17 වන ව්‍යවස්ථා සංශෝධනය ද වෙනස් කරමින් ඒකාධිපති (ටැබූ සඳහන් කල ආකාරයට ප්‍රජාතන්ත්‍රවාදී රාජාංඩුවක්) පාලනයක් 2/3 කටද වඩා වැඩි ඡන්දයෙන් සම්මතකරගැනීම හැකිවීමත් ලාංකීය දේශපාලනය තුල ඉතා වැදගත් අවස්ථාවක් වනවාට සැක නැත.

පුරවැසියකු හැටියට ලැජ්ජාවියයුතුවුවද ඒ ගැන අපට කලහැකි වූ කිසිවක් නැත. එසේම කිසිවකු කිසිවක් නොකිරීම ගැන අප පුදුම විමට හෝ කනගාටුවීමටද අවශ්‍යයද නැත. මන්ද මෙය විය යුතුව තිබූ දෙයක් වන නිසාය. ගසට නැග ගෙඩි කඩා නොගනිමින් බසින මෝඩයා කවුරැද? සාම්ප්‍රදායික විරැද්ධ පක්ෂ හැටියට යූ.එන්.පී හා ජේ.වී.පීය උද්ගෝෂනයක් , උපවාසයක් කළ අතර බාහු හොඳ වොයිස් කට් එකක් දී තම තමන්ගෙ තත්වය බේරාගෙන ඇත්තේය. අපටත් බොලොග් සටහනක් ලියා අපේ ශිෂ්ඨසම්පන්න බව සහ ප්‍රජාතන්ත්‍රවාදයට ඇති කැපවීම පෙන්වා දී වින්දනයක් ලැබිය හැක.

ධනවාදී අර්ථ ක්‍රමය තුල ප්‍රජාතන්ත්‍රවාදය යනු ධනපති ක්‍රමයේ පැවැත්මට අවශ්‍යයවන්නාවූ සාධකයකි .නමුත් එම සම්භව්‍යය අර්ථකථනය තුල ධනවාදය තහවරැවන විට ප්‍රජාතන්ත්‍රවාදය වඩාත් ශක්තිමත් විය යුතුය. නමුත් ලංකාවේ එය විරැද්භාසනයක් වන්නේ ඇයි?

මේ පිලිබදව ඔබට විනෝදයක් අවශ්‍යයනම් රාජපක්ෂ සහෝදර සමාගම උපහාසයට ලක්කල හැක. නැතිනම් ජනතාවගේ මන්දබුද්ධිකභාවය ගැන සිනාසිය හැක. නමුත්ඒ ගැන නමුත් ඒ ගැන විමසා බැලීම ඊටත් වඩා විනෝදජනකවියහැක.

ධනවාදය තුල ප්‍රජාතන්ත්‍රවාදය තහවරැවීමට නම් පරිනත ධනපතිපංතියක් සිටිය යුතු අතරම පංතියක් වශයෙන් ඔවුන් අතර එකඟතාවයක් පැවතිය යුතුය. ලංකාව යුරෝපීයන් යටත්ව සිටි කාලයේ පොදු හතුරකු නිසා පංතියක් හැටියට යම් එකඟබවක් ඇතිවුවද ලංකාවේ ධනපති පංතිය නිෂ්පාදනය හා බද්ධවූ පරිනත පිරිසක් නොවුනු නිසා නිදහසින් පසු සිදුවූයේ මොවුනු අතර පැවති ප්‍රතිවිරෝධතාවන් ඉස්මතු වීමට පටන් ගැනීමයි.
ප්‍රග්ධනයට ජාති,කුල, ආගම් බේද නැත. නමුත් ප්‍රග්ධනය හිමිකර ගැනීමට ඇති තරඟය උග්‍රවන විට ජාති,කුල, ආගම් බේදයන් ඒ සඳහා යොදා ගැනීම වැලැක්විය නොහැකිය. අත්තවශයෙන්ම ප්‍රජාතන්ත්‍රවාදය නැමති ආකෘතිය ධනවාදයට අවශ්‍යය වන්නේ මෙම බෙදීම් ධනවාදීක්‍රමයේ වර්ධනයට බාධාවක් වීම වැලැක්වීමටයි. ( පොදු ජනතාවට අයිතිවාසිකම් ලැබීම මෙහි අතුරැ ථලයකි)
නමුත් නිදහසින් පසු ලංකාවේ ජාතීන් තමතමන්ගේ අනන්‍යතාවයන් පිලිබඳ එකඟතාවයක් ඇතිකර ගැනීමට නොහැකි විය. මෙයට බලපෑ ප්‍රධානම හේතුව වූයේ ලාංකීය ජනතාව වශයෙන් සිංහලයන්ගේ ප්‍රමානාත්මක හාවය හා පංතිමය වශයෙන් සිංහලයන්ගේ ප්‍රමානාත්මකභාවය නොසැසඳීමයි.( චෙල්වනායගම් 50% -50% ඉල්ලා සිටියේ ආර්ථිකයේ ඔවුන්තුල පැවති ශක්තිමත්භාවය නිසාය)
78 ජේ. ආර්. ව්‍යවස්ථාව නිර්මානය කරනවිට ඔහු තුල මූලික අභිප්‍රයන් දෙකක් විය.පලමුවැන්න ගෝලීය ප්‍රග්ධනය හා නොබිඳියහැකි සබඳතාවයක් සහිත ආර්ථිකයක් රටතුල නිර්මානය කිරීම හා ඒ සඳහා අවශය්‍ය ස්ථාවර දේශපාලන ක්‍රමයක් ඇතිකිරීමයි. මෙය එම ව්‍යවස්ථාව නිර්මානය වූ අවස්ථාවේ සිටම ‍විද්වතුන් විසින් හඳුනාගෙන සාකඡ්චාකොට විරෝධය පලකළ සුප්‍රසිද්ධ මාතෘකාවකි.
දෙවන අභිප්‍රය ,78 ව්‍යවස්ථාව තුල අන්තර්ගතවූ බොහෝ දෙනෙකු හඳුනානොගත් නොඑසේනම් කථාකිරීමට අකමැතිවූ සාධකයකි.ඉන්දියානු ධනපතිපංතිය හා සම්බන්දතා තිබූ දෙමල ධනපති පංතිය ‍පරදවා සිංහල ධනපති පංතියශක්තිමත් කිරීම උදෙසා ගෝලීය ප්‍රග්ධනය හා සම්බන්ද වීමෙන් ලංකාවේ ආර්ථිකයට ලැබුනු වාසිය මේ සිංහල ව්‍යයාපාරික පංතියට රාජ්‍යය අනුගහයෙන් ලබාදීමට හැකි ව්‍යවස්ථාවක් බිහිකිරීම මෙම දෙවන අභිප්‍රයයි. 83 කලු ජූලිය සපුරාගත් මෙම ජයහග්‍රහකයින්ගේ කාහල නාදය විය.

උතුරේ ජාතිවාදය සහ කොටි සංවිධානයේ ක්‍රියාකාරීත්වය ලාංකීය දෙමල ධනපති පංතිය හා සම්බන්දවසිටි ඉන්දියානු ධනපති පංතියේ ප්‍රථිචාරය විය.

මේ අනුව චම්පික රනවක නැමති ජේ. ආර්. රාජ්‍යය අනුග්‍රහය ඇතිව බිහිකල අංගවිකල සිංහල ධනපති පංතියේ නියෝජිතයා ලංකාව් බිහිවූ නය්‍යාත්මක දේශපාලක්ඥයා හැටියට ජේ. ආර්. හැඳින්වීම අපට තේරැම්ගතහැක. එසේම එම සිංහල ධනපති පංතිය තීරනාත්මක ලෙස දෙමල ධනපති පංතිය පරදවා ලබාගෙන ජයග්‍රහනය කොට බිහිකරගෙන ඇති වර්ථමාන රජය තමන්ව ජනිතකල 78 ව්‍යවස්ථාව වෙනස් කොට ප්‍රජාතන්ත්‍රවාදී ලෙස සම්පත් බෙදාහදාගෙන භුක්තිවිදුනු ඇතැයි සිතීමට තරම් අප මෝඩයන් විය යුතුද?

විපක්සෙ උන්නැහේලට වෙලා තියෙන වින්නැහියක්

අම්මප මේ විපක්සෙ උන්නැහේලට වෙලා තියෙන වින්නැහියක හැටි. කට ඇරියොත් කියවෙන්නෙම ප්‍රජාතන්ත්‍රවාදය, යහපාලනය,මානව අයිතිවාසිකම්,ජනමාධ්‍ය නිදහස වගේ කතාමනෙවැ. මේව්වා සේරම සුද්දන්ගෙ කුමන්ත්‍රන කියල විමල් වීරවංශ උන්නැහේ කියන්නෙ නිකමට හෙම නෙවෙයි ඔන්න.
දැන් බලනන ළමයො අපේ ඔය අතීත රජවරැ දැහැමෙන් සෙමෙන් රජකම් කොරන කාලවල ඔය ප්‍රජාතන්ත්රරවාදය කියල එකක් තිවුනද? නැහැ නොවැ. ඔය පර සුද්දො මේ රට අල්ලගෙන බෝධිසත්වයෙක් වගේ හිටිය අපේ රජ පවුලත් රටෙන් පිටුහල් කොරල දාල මේ රට විනාශකොරන්න නොවැ ඔය ප්‍රජාතන්ත්රරවාදය කියල අටමගලක් ඇටෙව්වෙ. යන්තම්අවුරැදු 200 විතර පස්සෙ සිංහල බෞද්ධ රජ පරපුරක් රටේ නැවත ඇතිකොරන්න හදන එකට විරැද්ධව මේ විදේශීය කූමන්ත්රතන කාරයො බොරැවට කෑ ගහනව නොවැ. ( වත්මන් මහරාජෝත්තමයාද සිංහල රාජවංශයෙන් පැ‍වතඑන්නෙකු බව චක්රවවර්තී හිමියන් සොයාගෙන ඇත.අවසන් රජතුමා දකුනේ වීථිසංචාරය කරන අතරතුර බෙලිඅත්තේ රැයක් ගතකර ඇතිවග වැසිකිලි වලක කොටා තිබී චකුවර්ථී හිමියන්ට හමුව ඇත)
එතකොට ඔය යහ පාලනය, මානව අයිතිවාසිකම් වගේ දේවල් ඒ කාලෙ තිබුනද? නැහැ නෙවැ. රටේ ජීවී ,අජීවී හැම දෙයක්ම රජතුමාගෙ තමයි.එතුමට ඕන හැටියට රටේ දේවල් භුක්තිවිඳිනකොට කෑ ගහනව වංචා දූෂන කොරනවයි කියල. ඒ වගේම ජනතාව කියන්නෙ රජතුවාට ඕනහැටියට ජීවත් වෙන්න ඕන පිරිසක්. කසපහර දෙන්න, දඬුක‍ෙඳ් ගහන්න විතරක් නෙවේ හිර අඩස්සියෙ තියන්න,අතුරැදහන් කොරන්න හිස්ගසාදාන්න උනත් රජතුමාට පුළුවන් බව මුන්ට තේරෙන්නෙ නැහැ නොවැ.
ඔය ජනමාධ්යා තමයි මේරටට සුද්දො කල ලොකුම විනාසෙ. අපේ රජකාලෙ ඕවගෙ දේවල් කවදාවත් තිබුනද? නැහැ නොවැ. ඔය අණබෙරයක් කාරිය ගහල රජතුමාගෙ පනිවුඩක් ජනතාවට දැන්නු මිසක් ඔය ඕන ඕන එකාට ඕන ඕන දේවල් ජනතාවට කියන්න පුහ් මොන තරම් විනාසයක්යැ.ඔය කුමන්ත්රනන කාරයොනම් එකෙක්වත් තියන්නම වට්න්නෙ නැහැ රටේ මිනිස්සුනුගෙ හිත් දූෂනය කොරනවට.
අපේ නලින්ද සිල්ව මහාචාර්ය උන්නැහේටනන් මේගැන හොඳට තේරෙනව. ඔය සුද්දන්ගෙ යුදෙව් ක්‍රිස්තියානි චින්තනේ තියෙන එකාලටලු නේ ඔය ප්‍රජාතන්ත්ර වාදය, යහපාලනය වගේ දේශදෝහී දේවල් හිතෙන්නෙ.
හැබැයි අප්පුහාමිනන් කියන්නෙ ඔය ඡන්ද කෙරැවාවත් සම්පූර්නෙන්ම නවත්තල දාන්න ඕන.ඕවත් ඔය සුද්දන්ගෙ කුමන්ත්ර නම තමයි.
අපටනන් ඔය රජතුමාට බැලෙමෙහෙවරක්වත් කොරගෙන් ඉන්ට බැරියැ

මහනායක උන්නාන්සෙලාගෙ නා ගැනීම

අපේ මහ නායක උන්නාන්සෙලත් අන්තිමේදි ඇදගෙනම නාගත්ත නොවැ.
මල් වට්ටි,අටපිරිකර කරගහගෙන පන්සලක් පන්සලක් ගානෙ කරක්ගහනකොට,පස්ස උඩ තියාගෙන හාමුදුරැවරැන්ට වැඳවැටෙනකොට , පිරිත් පිංකම්, දාන පිංකම් මදි නොකියන්න දෙනකොට උන්නාන්සෙලත් හිතන්න ඇති මෛත්‍රි බෝධිසත්වයො පහලවෙලා කියල .ඒකනෙවැ හාමුදුරැවරැත් බැහැගෙන වැඩකොරල, පාර්ලිමේන්තුවටත් වැඩමකොරල , ප්‍රභාකරන් කාබාසිනිය කොරල, විදේස බලවේග සුන්නත්දූලි ෙෙරල ‍දෙමල මිනිස්සු නන්නත්තාර කොරල,සිංහල බෞද්ධ රාජ්‍යයක් ඇති කොරල මහ රජ කෙනෙකුත් අභිෂේක කොරගත්තෙ. අන්තිමේ මේ රජ්ජුරැවොම කෙලිය නේද මහම මහ නායක උන්නාන්සෙලටත්.
දියෙහි යන දන්ඩට
පිහිටක් වෙතත් පෙරසිට
දුදනන් හට පිහිට
නොවව් කී බස සැබෑ උනි මට
මෙහෙම කියල තිබුනෙ මහ නායක උන්නාන්සෙලද රාහුල හාමුදුරැවොද කියලනම් ලොකු අප්පුහාමිට මතක නෑ. හැබැයි දුදනො දුදනන්ට පිහිට උනාට කමක් නැහැ ‍වෙන්න ඕන.
අනික ඕක මහ ලොකුවට ගනන් ගන්න දේකුත් නැහැ නොවැ.දැන් ඔය මහ නායක උන්නාන්සෙල කියන දේ තියා බුදුහාමුදුරැවො කියනදේවත් මහනායක උන්නාන්සෙල,පොඩිනායක උන්නාන්සෙල තියා සාමනේර උන්නාන්සෙ කෙනෙක්වත් අහන එකක්යැ.
ඔය මං වගේ වල පයයි ගොඩපයයි ඉන්න අයට අපාය පෙන්නල දිව්යාලෝකෙට ෂේප් එකක් දාල දීල,මේ මජර ක්‍රමයෙන් අසහනයට පීඩාවට පත්වෙන අයට කරැමෙ ‍දෛවය වගේ දේවල් මතක්කොරල නිර්වින්දනයක් දීල පීඩකයට තවතවත් වස්තු සම්පත් ගොඩගහගන්න ඉඩ හදල දීල ඔබ වහන්සෙලත් හෝටල් වගේ පන්සල් හදාගෙන බෙනස් එකකින් සංසාරෙන් එගොඩ වෙන්න හදනව මිසක් ඔය ප්‍රජාතන්ත්රටවාදය, යහපාලනය වගේ ලොකුලොකු වැඩ කොරන්න ගිහිල්ල ඔබ වහන්සෙල ආවඩන පාලකයොන්ගෙ උදහසට ලක්වෙන එක සංසාරෙටත්වඩා භයානක බව දැන්වත් ඔබ වහන්සෙලට තේරෙනවද මන්ද?

ජනරාල් උන්නැහේගෙ කෙරැවාවයි ට්‍රපික් රාලහාමිගෙ කෙරැවාවයි

අර ජනරාල් ලොක්කගෙයි එයැයිගෙ බෑනයි කොරයි කියන වංචා දූෂන මගෝඩි වැඩ ගැන අහනකොට මේ වල පයයිඩ පයයි ඉන්න අප්පුහාමිගෙත් ඇ‍ි කො ෙඟ්ත් හිරිගඩු පිපෙනව අම්මප.බලන් යනකොට අපේ රටේ ජනතාව මොන තරන් අමාරැවකටයැ වැටෙන්න ගියේ. අපේ මුනපුරානම් කියන්නෙ ප්රපභාකරන් කියන නැඩය හරිම අහිංසකයෙක්ලු, ජනරාල් උන්නැහේ එක්ක බලනකොට.
හැබෑටම අපේ මහරාජෝත්තමයයි උන්නැහේගෙ වරිගෙ අයයි මේ ගැන හාංකවිසයක්වත් දැනගෙන ඉඳල නැහැ නොවැ ජනරාල්උන්නැහේ මේ ජන්දෙට ඉදිරිපත් වෙනකම්ම. එකට කාල බීල ඉන්නකම්ම මේ උත්තමයො හිතන් ඉඳල තියෙන්නෙම ජනරාල් උන්නැහේ ලෝකෙ හොඳම යුධ සෙන්පතියාය, වංචා දූෂන නැති සුද්ධවන්තයෙක්ය කියල නොවැ. ඒ උනාට අපේ මුනපුරානම් කියන්නෙ උන් එක්ක එකට මඩනාගෙන ඉන්න බැරිය කියල එලියට බැහැපු එකාගෙ ඇගේ ඔච්චර මඩ තියෙනවනන් මඩේ ඉන්න එකාලගෙ ඇගේ කොච්චර මඩ ඇද්ද කියලයි. ඔවිව ඉතිං ඔය කොල්ලො ‍කොලු කමට කියන කථා නොවැ.
හැබැයි අර වංචා දූෂන කොමිසමද මොකද්ද අට මගලෙට අට්ටි ගනන් පැමිනිලි ලැබිල තිබිලත් නිලධාරියෙක්වත් පත් නොකරන අංඩුව මේ හදිස්සියෙ ජනරාල්ගෙ වංචා දූෂන ගැන විතරක් හොයන්න තියාගත්තෙ මොකද කියල කවුරැවත් වැරදියට හිතන්න එපා ඔන්න.
අපේ මුනපුරා එක්ක තරහ ට්‍රපික් රාලහාමි කෙනෙක් ඉන්නව ගමේ. මුනපුරා බයිසිකලෙන් කොහේ හරි යනව දැක්කොත් නවත්තනවලු. ලයිසන් ඉන්ෂුවරන්ස් තිබුනොත් එහෙම කියනවලු හෙල්මටි නැහැයි කියල. හෙල්මට් දාගෙන ගියොත් කියනවලු සිග්නල් ලයිට් වැඩකොරන්නෙ නෑ කියල. එෟකත් හදාගෙන ගියාම කියනවලු ටයර්වල කට්ට ගෙවිල කියල. ටයරැත් දාගෙන ගියාම අල්ල ගන්නවලු වැරදි තැනින් හැරෙව්ව තියල.හරිතැනින් හැරෙව්වහම අල්ලගන්නවලු වැරදියට ඉස්සර කරා කියල. අපේ මුනපුරා කියන්නෙ මේ යකත් එක්ක නීතියෙන්නම් මේක බේර ගන්න බැරිලු. වෙන ‍වෙනමාක්ක් හරි මාර්ගයකින් මිසක්.
ඌ කියන කථාවත් ඇත්ත.බලය තියෙන උන්ට තමන්ගෙ විරැද්ද වාදීන්ට අඩන්තේට්ටන් කොරන්න මේ රටේ ඕන තරන් නීති තියෙනව නොවැ.අර පාදඩ ආඥා පනතද මොක්ද්ද එක අනුව බවලතෙක් යට ඇඳුමක් ඇඳගෙන හිටියෙ නැහැ කියල උනත් අලලල අච්චු කොරන්න පුලුවනෑ කියන්නෙ.අපි ඉතින් කොචිචර අවවාද අනුසාසනා දුන්නත් ඔය කොල්ලගෙ ඉවසීම පැන්න දවසක හැංගිලා ඉඳල ට්‍රපික් රාලහාමිට පොලුපාරක් පතබායිද කියලයි මට තියෙන බය. මේ කොල්ලන්ටත් ඉවසීමක් නැහැ නොවැ.

ඔන්න මේ දේශපාලනේ ගැනනන් නෙවේ කොල්ලො

අපේ කොල්ලන්ට දේශපාලනේ වහ කදුරැවගේ වෙලානෙවැ. ඒ ගැන කතාකරන එවුන් ටිකත් පැත්තකට කරල SBU එක පිරිසිදු කොරගෙන තියෙන්නෙ .
එක අතකට ඒකත් ශරීර සෞඛ්‍යයට හොද වෙන්න පුලුවන්. මොකද මහින්ද මහ රජ්ජුරැවොත් දේශපාලනය කථාකරන එවුනු ටික හිරේ විලංගුවටයි, පරලෝකෙටයි යවල මේ සිංහල බෞද්ධ රාජ්‍ය පිරිසිදු ‍කොරන්න මහන්සි ගන්න වෙලාවනේ.

හැබැයි කොලුවො මතක තියාගත්තොත් හොදයි උඹල මේ ලොකෙට බිහිකරනවද නැද්ද කියන තීරනය වෙන්නෙත් දේශපාලනය කියන සාධකය මත කියන එක.(චීනයේ පවුලට එක් දරැවකු යන්න සෘජු දේශපාලන තීන්දුවකි)ඒ දරැව බොන්න ඹ්න ඇන්කර්ද නැ;්නම් ලක්ස්ප්‍රේද කන්නඹ්න ඇමරිකන් පිටිද, සිංහල හාලෙ බත්ද , ඉගෙනගන්න ඹ්න මොනවද,කරන්න ඕන රස්සාව විතරක් නෙවේ ආදරය කරන්න ඕන මොන ගැහැනියටද පිරිමි‍යටද කියල තීරනය කරන්නෙත් දේශපාලනයෙන් කියන එක උඹල දැනගන්න ඹ්න දරැවො.

අනික කොලුවො දෙශපාලනය කියනකොට ඇගේ හිරිගඩු පිපෙන උඹල වගේ එවුන් නිසාම තමයි අද මේ රට මේ වගේ පත්වෙලා තියෙන්නෙ කියල උඹලට නොතේරෙන්නේ උඹල දේශපාලනේ ගැන නොදන්න නිසාම තමයි.එහෙම උනාම ලූලා නැති වවලට කනය පන්ඩිතය වෙන්න වගේ නාමල් කොලුව වගේ අය මේකෙ කරනන් ගහන්න හදන එක ගැනත් අපට පුදුම වෙන්න දේකුත් නෑ.

කොහොම උනත් කොල්ලො හොදට කාල බීල ගෙයක් දොරක් හදාගෙන මේ රටේ හරි පිටරටක හරි ඉදගෙන නිකන් පාලුවට බ්ලොග් එකක් ලියන කියවන අයට දේශපාලනය කියන්නෙ පිහදාල දාන්න ඕන දෙයක් කියල හිතන එකත් අපට නන් දේශපාලනයම තමයි කොල්ලො.